Urtea hasteko, albiste onak. Lurpelan Tunnelling-eko gure lankideekin eta beste enpresa batzuekin ABEE bat osatuta, Malpartida de Plasencia eta Plasencia/Fuentidueñas geltokiaren (Caceres) arteko tartean abiadura handiko linea eraikitzeko lanen esleipendun izan gara.
Obrak 10,38 kilometroko luzerako bide bikoitzerako plataforma bat aurreikusten du, trafiko mistorako egokia, bidaiarientzako trenentzako orduko 300 kilometroko gehieneko zirkulazio abiaduretarako eta merkantzia trenentzako orduko 100 kilometroko gutxieneko abiadurarako diseinatua. Exekuzio epea 28 hilabetekoa da.
Kontratuan sartzen dira, besteak beste, lur mugimenduak (lur erauzketak, betelanak, zabalguneak), drainatze lanak eta hainbat egitura eraikitzea (tunela, goiko eta beheko pasabideak, drainatze lanak, faunaren pasabideak eta hormak, eta abar). Era berean, eragindako bideak eta zerbitzuak berrezarri eta ingurumen inpaktua zuzentzeko neurriak hartuko dira.
ADIF AV erakundeak azpimarratu duenez, obra horiek 9. Garapen Jasangarrirako Helburua (GJH) lortzen laguntzen dute, eta horren xedeetako bat azpiegitura fidagarriak, jasangarriak eta kalitatezkoak garatzea da.
