Joan den ostiralean hasi genituen Nerbioi-Ibaizabal ibaiaren uholdeetatik babesteko URAren lanak, Galdakao parean, Bengoetxe eta Plazakoetxe artean.
Bideratze proiektu garrantzitsu horren hirugarren fasea ibaiaren 1.640 m-ko zati bat hidraulikoki egokitzea da. Horretarako, 190.000 metro kubiko harri hondeatuko dira. Jarduketa horren bidez, bikoiztu egingo da ibilguaren ahalmen hidraulikoa, eta 800 metro kubiko segundoko izatera iritsiko da. Horrela, segurtasuna nabarmen handituko da pertsonentzat eta inguruko jarduera ekonomikoarentzat.
